陳曉陳妍希被爆分居一年多　仔仔撫養權點樣分？

台灣女星陳妍希同陳曉早前被傳婚變，當中就被指陳曉去年年底提出離婚，並已搬離寓所，更改了手機號碼令女方無法直接聯繫，更有爆料稱陳曉表示可以淨身出戶，但就未有講離婚理由。今日（30日）再有爆料者重提二人疑似離婚一事，佢指陳曉、陳妍希已分居一年多，又暗示陳曉、陳妍希離婚原因大有隱情，更指「陳曉把老婆孩子都『放棄』了」，但係兩人就未有正式離婚，事件亦即衝上熱搜首位！

不過隨後就有人爆料「反擊」，指今年就有人影到二人仔仔「小星星」去咗陳曉劇組探班，呢，而孩子一直都係陳曉媽媽湊大，過年同前幾天都分別被影到「小星星」去劇組，有圖有真相。不過二人亦同往常一樣，未有就婚變傳聞作任何回應。