林文龍激罕獻聲冧郭可盈　自嘲被遺忘的歌星

藝人陳百祥（阿叻）與太太黃杏秀大搞派對，慶祝結婚45周年，邀一眾好友出席，包括：林文龍與太太郭可盈、馬國明、謝天華、劉浩龍、許冠文等，場面熱鬧。從網上片段中看到，眾人玩得相當盡興，當中飲到面紅紅的林文龍即興拿起咪高峰唱歌，期間鏡頭就拍到其太太郭可盈聽得如痴如醉，深情地望住老公，更不忘用電話為老公拍片，十足小粉絲一樣。而身穿短褲示人的郭可盈，大騷美腿，望落十分青春。

令網民意想不到的是，林文龍歌喉相當不俗，連一向牙擦的阿叻都甘拜下風，大讚對方：「嘩！你其實應該轉做歌手喎，咁樣搞法。」林文龍則搞笑回應對方：「叻哥，你係遺忘咗嘅球星，其實我都係遺忘咗嘅歌星。」原來林文龍的確做過歌手，他曾於1993年與楊采妮合唱《緣份》；其後也唱了不少劇集主題曲，當中劇集《十兄弟》主題曲《十子緊扣》更是與太太郭可盈合唱。