趙慧珊解體原隻田雞勁大膽　J Lou初嘗雞子：幾得意

藝人趙慧珊（Aka）與網紅J Lou（林欣）代表HOY TV節目《留港開餐100強》受訪。二人表示今次因為拍攝，品嘗了很多非常特別的食物，Aka興奮表示：「我就食咗田雞啦，最難忘嘅係隻田雞『原隻上』，好似對住你游緊水咁，我就惟有即刻將佢解體，好似攞住一隻雞髀咁食。」J Lou則透露品嘗了雞子：「我夾住嘅時候，連導演都覺得我唔敢咬落去，感覺好似食緊豆腐咁啫，都幾得意。」

二人又指最難忘的是食非洲菜：「我哋拍攝時見到兩夫婦一齊經營，但當節目出街，非洲籍嘅丈夫已經因為癌症過咗身，但太太依然秉承住老公嘅廚藝同埋宣揚非洲嘅文化，繼續經營落去，呢件事好感動。」J Lou將榮升人母，BB預產期為聖誕節：「開工嗰陣時Aka好照顧我，我喺廁所嘔完佢又會過嚟照顧我，呢個姊妹真係唔話得。 」