陳智燊夫妻檔轉做KOL喪吸金　千呎大屋曝光

藝人陳智燊（Jason）2016年同華姐冠軍宋熙年結婚，婚後育有大仔Damon及細仔Jamie嘅佢哋，更不時透過社交網分享生活點滴，日前Jason更晒出一家人為Jamie慶祝4歲生日嘅影片，只見備受寵愛嘅Jamie獲得一家人嘅Birthday Kiss之餘，千呎大屋更意外搶Fo。

片中所見，Jason屋企以簡約風布置為主，為小朋友留有相當大嘅活動空間外，落地玻璃設計更為室內提供充足光線，整體闊落又舒適。此外，從Jason平時分享嘅其他影片所見，過百呎嘅廚房及有衣帽間嘅主人房，同樣搶盡眼球。事實上，Jason同老婆TVB約滿離巢後就齊齊轉型做KOL，夫妻檔拍住上密密接廣告之餘，更一度被傳出月入高達60萬，吸金力認真驚人。