謝金燕秘赴日本密會　對象竟然係佢…

台灣「電音女神」謝金燕出道逾30年，雖然早前參加內地真人騷《乘風2024》第5季時，一度因人氣問題冇人識，但憑凍齡靚樣及舞台魅力，最後亦成功喺觀眾心中留下深刻印象，並結識咗唔少知心好友。而近日，佢更秘密現身韓團KARA演唱會，為成員Nicole應援，感情認真深厚。

日前，KARA喺日本大阪一連兩日舉行演唱會，謝金燕唔止偷偷現身觀眾席支持，更喺Nicole出場時感動落淚，演唱會後更潛入後台畀Nicole驚喜，而見到謝金燕嘅Nicole亦即刻飛撲擁抱，最後2人更激動落淚，認真感人。事後，謝金燕更透過社交網分享道：「姐姐給了Nicole一個大燕喜，沒告訴她偷偷前往，最期待的就是Nicole見到姐姐的反應了！還有就是我們終於見面了！」引嚟唔少網友留言道：「Nicole是飛奔向姐姐！太可愛了！」、「女孩們的友誼真美好。」、「我也快成哭包了！太好哭了！」另外，更有唔少粉絲希望謝金燕可以盡快開演唱會，並邀請Nicole擔任合作嘉賓。