范瑋琪素顏曝光　凍齡靚樣扭轉負評

台灣歌手范瑋琪（范范）同老公陳建州（黑人）早前雖然驚傳離婚，不過隨着2人多次齊齊去旅行，令傳聞不攻自破。而日前，黑人就喺社交網晒出多張全家出遊日本嘅靚相，其中仲偷偷放閃晒出老婆范范嘅街拍靚相，只見純白打扮嘅范范，露出一雙白滑長腿外，燦爛笑容更係戴住黑超都遮唔住，而黑人亦分享道：「暑假結束前帶着一家人去大阪旅行，還在颱風來臨之前有玩到該玩的行程！」夫妻難得高調放閃嘅舉動，亦引嚟唔少網友留言道：「不得不說，黑哥蠻會取景的。」、「仙氣的范。」、「為甚麼范范可以那麼瘦？」另外，更有網友喺社交網晒出自己喺樂園巧遇夫妻2人嘅相，只見零修圖嘅范范皮膚白哲透紅之餘，更係唔見有皺紋，48歲嘅凍齡靚樣引嚟唔少網友留言激讚：「這狀態絕了！」、「也太白…」、「素顏很牛了！」