戴祖儀右眼爆微絲血管戴黑超遮住　自抽偷睇人沖涼之過？

藝人戴祖儀有份演出的無綫新劇《法證先鋒VI:倖存者的救贖》近日熱播，忙於為新作造勢的她，不時更新社交網與粉絲互動，日前她分享戴住黑超躺梳化睇書漫畫的照片，別以為她裝模作樣，原來實情有苦自己知，從另一條片段中，可見祖儀右眼爆微絲血管，為免嚇親人，惟有戴住黑超遮掩。

不過右眼的情況卻被遭身邊朋友取笑，她寫道：「呢兩日被問得最多的就是『你偷睇邊個沖涼搞成咁』。」坦承向來注重雙眼，從來不會擦眼睛，沒料仍會有失守的一天，呼籲大家要好好保護雙眼，更自抽說：「唔好偷睇人沖涼啦!」祖儀更於鼻上蓋了一張紙巾，她說：「係用嚟避免整花個妝，大家唔使擔心我個鼻，我冇同人打交呀呀呀!」還表示已向醫生求診。不少粉絲留言祝祖儀早日康復，有粉絲認為她熱氣所致，建議她多喝菊花茶清熱，戒掉煎炸食物及要有足夠休息，不過有網友亦抵死表示：「最緊要偷睇完覺得值唔值先」、「睇得多唔乾淨嘅嘢」、「如果可以偷睇妳沖涼...就算變成你依家咁...我ok。」