開學日︱楊洛婷湊子女返學做超級媽媽　囝囝只拖老公手扁晒嘴

今日9月2日，也是莘莘學子開學大日子，一眾星爸星媽又要開始為仔女學業而奮鬥，身為廿四孝媽咪的楊洛婷自然辛苦到爆，接連送一對仔女返學，幸好老公Dear Jane主唱Tim有幫手，齊齊做「柴可夫」。

只見囡囡Tanya成為小學雞，長大了許多，由媽咪揸車送返學，還齊齊舉V，相當溫馨。至於囝囝Tristan就由她與Tim一齊湊，不過囝囝就只拖爸爸的手，搞到楊洛婷扁晒嘴，楊洛婷還在社交網留言：「回到學校意味著重新扮演我的超級媽媽角色。我們已為本學年做好準備！」

至於在外地多過留港的梁芷珮亦有湊女兒返學，她留言：「一年喇，應該湊埋呢年返學，出年唔比阿媽帶㗎喇….祝各位學生開學愉快❤️」