鄧小巧飛台灣約會林宥嘉　不隱瞞：我結咗婚喇

歌手鄧小巧日前到訪新城受訪，宣傳由林宥嘉（Yoga）寫給她的新歌《神愛世人》。原來今次成功合作，是因為去年她宣傳歌曲《瀟灑》時，曾向媒體透露希望可以唱到Yoga寫的歌曲，Yoga粉絲事後將這則新聞傳送給偶像，小巧表示：「Yoga就上網搵我嘅資料，又聽我啲歌，可能咁樣對我產生咗啲印象，有日公司收到個電話，話林宥嘉寫咗首歌畀我，大家都好愕然。」

小巧續說：「最神奇嘅係，我冇聯絡過佢，佢話係割愛畀我，同埋佢有同林家謙（監製）講過寫畀我，會問我係咩狀態，又會喺歌詞下面留言，暗地裡做咗好多嘢，然後畀驚喜我，我覺得我有啲似中頭獎一樣。」

而為了答謝Yoga，小巧今年3月專程飛到台灣拜會對方：「見到佢我就變鵪鶉，未坐低就已經送禮物畀佢。我同佢講『4年前睇你演唱會我未結婚，依家我結咗婚喇』，講完嗰刻已經想打自己，結唔結婚關人鬼事咩？哈哈。」