小S夫妻齊赴美　大女名校科目揭盅

台灣藝人小S（徐熙娣）育有3女，早前大女Elly（許曦文）傳出被2間美國名校錄取，事隔冇耐就被爆出將就讀南加州大學之餘，隨着日前小S同丈夫陪愛女去美國處理入學事宜，Elly選讀嘅科系亦隨之曝光。

原來係Elly出發美國前，台灣前主播陳玠妤就曾喺社交網，晒出一張同Elly活動上嘅合照，並分享道：「在自己的USC晚宴，遇到小時候最喜歡的節目主持人（小S）女兒，歡迎來當我大眾傳播學院的直屬學妹。」明確透露Elly就讀南加州大學嘅大眾傳播學系。