陳凱琳行山擔遮　全家去旅行孖鄭嘉穎狂咀放閃

三個小孩的媽媽陳凱琳（Grace）每個月也會抽時間行山，運動之餘為自己製造me time放鬆一下。轉眼每月一趟的行山已經去到8月，酷熱天氣下在沒有遮蔽的郊野行走，辛苦程度可相而知。在烈日當空下行山除了考驗毅力，還要有「最偉大的發明」傍身，陳凱琳在社交網分享說：「最怕嘅八月份、最熱嘅八月份、最辛苦嘅八月份，終於完成任務啦！今次行山我發現最偉大嘅發明就係，一把雨傘，用把遮擋住啲太陽，仲好過戴帽，以後都要隨身帶住佢。」完成每月目標的她除了站在山頂的標高柱打卡外，更與友人齊齊大跳開心舞慶祝。

另外，陳凱琳又分享一家5口首次去旅行影片及照片，順道慶祝鄭嘉穎55歲生日。從影片見到佢哋飛泰國布吉行程非常充實，睇表演、泳池戲水等，嘉穎同Grace更喺泳池內互相對望兼錫錫，甜蜜爆燈。見Grace伸手托老公塊面，然後再錫。鏡頭一轉就係佢哋街頭拖手漫步。佢又喺片中加插一家人喺泳池戲水片段，最搞笑係佢加咗唔少嘉穎食嘢嘅畫面，連網民都忍唔住笑佢老公keep住食嘢。