吳忻熹分享抗癌日記　用呢樣嘢浸浴幫助排毒

1998年港姐季軍吳文忻（現名吳忻熹），早年自揭2年前患乳癌，今年復發，癌細胞更擴散至淋巴，近日開始接受化療，並決定在社交平台撰寫抗癌日記。開始化療後，她出現脫髮問題，她昨日（2日）她在社交網表示因為化療後經常周身骨痛，而去通淋巴紓緩。今早（3日）亦分享了靠一樣嘢浸浴，來可以紓緩肌肉痠痛、幫助消炎和排毒減壓。

吳忻熹分享了去通淋巴的照片，相中她戴上Cap帽，未見脫髮問題有多嚴重，不過素顏的她精神狀態不錯。她留言：「最近因為化療後，經常周身骨痛，就去搵Ella按吓紓緩吓排吓毒，順便表揚吓佢，要多謝佢話畀我聽有硬塊叫我去照吓！」並表示通淋巴可防止積聚毒素變成腫瘤，因胸前淋巴排毒不暢，乳腺導管易堵塞，會產生毒素堆積而產生乳結和淋巴結，日久不理可能會變成腫瘤。

吳忻熹今早再上載浸浴照，表示化療後其一副作用就是會經常肌肉痠痛，所以每日都會用瀉鹽（Epsom salt）浸浴，不但可以紓緩肌肉痠痛，還可以幫助消炎和排毒減壓。她寫道：「其實一般人也應該多浸浴，聽聞日本醫生問診時，會問病人今個星期浸咗幾多次浴，浸浴絕對係其中一個養生的方法！當然，香港不是每一個家庭的浴室會有浴缸，但也可以用個桶來浸腳。其實香港人每天都咁繁忙，每天抽20分鐘沉浴,好好享受吓這個”me time”也不錯吖！」另外，她指相中的自己已經是兩星期前拍下的，現在的頭髮已經脫落了不少。