冯允谦下月红馆开骚　分享独门练气秘技

歌手冯允谦（Jay）、陈蕾、谈善言和谢咏欣今日（3日）齐出席时装品牌活动。将于下月假红馆举行一连3场演唱会的Jay透露，每天为个唱备战，早晚跑步练气，之后做Gym及排舞，整个人都消瘦不少，又分享独门练气方法，他说：“自3年前疫情开始，我都系戴住口罩跑步，（唔窒息吗？）觉得条气好咗，但我唔鼓励其他人咁做。”

至于健身是否准备在骚上骚肌？他说：“暂时未得，但一个月后可能可以，不过发觉自己新陈代谢慢咗，但呢个唔系唔健身嘅借口，亦会加插跳舞环节，但相信捧场嘅歌迷主要嚟听我唱歌。”他又指加拿大的家人及女友会专诚返港支持，届时定请食大餐为亲友洗尘，又说会邀请嘉宾，但名单保持神秘感。

而同场的陈蕾早前分别到欧洲及东京旅行，笑言两个旅程都半工半私，她说：“去欧洲旅行时，咁啱嗰度有个节目，好啱我首《五瓣玫瑰》，所以叫拍摄队飞嚟拍埋MV，而去东京就系同岑宁儿去睇音乐节吸收吓啲经验，我都想参加呢啲音乐节，带广东歌去唔同嘅地方。”她又谓唱片公司安排她在欧洲拍MV，可担心被指唱片公司偏心她？她否认自己特别得宠：“公司其他歌手都有去外地拍MV，有去过日本同台湾，我喺欧洲拍都因为我咁啱喺嗰度啫。”她又指可能旅行时样子太Cool，所以两程都冇艳遇，笑言：“欧洲啲小偷都畀我个cool样吓窒。”