徐濠萦愈嚟愈后生　网友指出生活重点：嫁得好！

“歌神”陈奕迅（Eason）早前同老婆徐濠萦拍拖放闪，丧吸大批网友畀Like，日前乐坛天后容祖儿澳门开骚，徐濠萦都有现身支持好友，继续Nice爆同网友合照，贯彻佢贴地嘅性格。平时爱打扮、潮爆全港嘅徐濠萦，今次就简单黑Tee上阵，仲专登加上依家最Hit嘅“斯文败类”款眼镜，配合佢个型人形象，时尚又有新鲜感。

徐濠萦友善地同粉丝合照，唔少网友睇完相都惊讶佢成个feel young晒，忽然逆龄生长够眼前一亮，日益从容优雅，当中有网友就道出佢变靓重点：“嫁对人了，天天对着搞笑又会赚钱的陈奕迅，住在陈奕迅买的香港别墅，生活无忧无虑，陈奕迅又特别幽默，她天天笑得合不拢嘴，心态开心开朗，才会愈活愈年轻！”