歐漢聲認舊愛「被搶走」　罕提三角戀暗寸羅志祥

台灣舞王羅志祥（小豬）出道後緋聞女伴換不停，直至2020年捲入桃色醜聞，遭周揚青「毀滅式分手」後，經過長時間沉寂終於成功復出。然而，曾同羅志祥組成「羅密歐」嘅歐漢聲（歐弟），日前就喺節目上重提當年轟動一時嘅三角戀，更自嘲：「那時候還沒被搶走！」疑似暗寸羅志祥。

日前，受邀上綜藝節目做嘉賓嘅歐弟，就透露道日本女性嘅化妝文化：「真的，我跟Makiyo認識的時候，從來沒看過她素顏。」並分享道佢當年同Makiyo及伯母3人一齊去游水嘅約會細節，而突然承認當年同Makiyo拍拖嘅佢，嚇到主持潛意識反問：「你現在要說出來？」對此，歐弟更係大方反問：「交往怎麼了？」並自嘲：「那時候還沒被搶走！」疑似暗寸羅志祥，最後亦緩和道：「好了啦，過去了！大家都結婚了。」

事實上，羅志祥當年同歐漢聲組成嘅男團「羅密歐」紅遍中港台，之後入伍當兵嘅佢亦將女友Makiyo託付畀羅志祥，未料事後就疑似發展成三角戀關係。