洪助升考棍波一Take Pass　师姐Gin Lee赠兴

英皇歌手洪助升（Aiden）于社交网宣布天大喜讯，就是成功考获车牌，师姐Gin Lee(李幸倪）留言恭贺兼顺道宣传自己新歌名：“恭喜‘新牌仔’！”，同公司的许靖韵（Angela）亦留言笑谓：“咁惊？”十分搞笑。

Aiden表示自己是一Take Pass：“笔试系一take pass。路试之前系考轻型货车，但考咗两次都‘肥’咗之后，就决定转考私家车嘅棍波。之前多数都系衰紧张，我觉得揸车仲紧张过唱歌，我系一路揸一路脚震，所以成日踩break都踩得好差，去到后尾决定转校私家车，所以考私家车都算系一take pass。”

问到考车贴士，Aiden除了之前疯狂约教车师傅上堂，最重要是不要自我质疑，因为每次考官放下iPad时，很自然会紧张，不停想是否“被肥”，所以当紧张的时候自己会不断深呼吸；衣着方面，他亦有心得分享：“考车嗰日特登着咗公司嗰件‘ABCDEEG’T恤，系冇‘F’呢个字，所以就好顺利地冇fail。仲有就系准备定一条红色底裤，考车我觉得运气都占一部分。”

Aiden又谓成功考获车牌后，最想接载屋企人游车河：“因为佢哋好锺意游车河，我系屋企第一个有车牌嘅人，所以我都想希望快啲有部车可以带佢哋周围去。”他亦想跟朋友自驾游：“想快啲过完P牌之后有国际牌，可以同朋友去旅行自驾游，去唔同嘅地方周围睇吓周围玩吓。”现在的目标是希望买车，至于Dream Car，他谓一步一步来：“Dream Car我有好多部，但呢一刻自己想买一部电动车，一嚟环保啲，二嚟希望座位比较多啲，咁就可以车多啲唔同嘅朋友、屋企人去玩，呢个系暂时最主要。”