張馨月濟州島晒好身材　超激大露背暗晒「豪華臀」

藝人林峯太太張馨月一向愛分享生活，更愛大晒好身材，明明已經生咗個囡囡都仲係弗到爆，梗係唔可以收收埋埋，要同大家share林峯嘅快樂。尋日（4日）佢就晒出一輯去咗韓國濟州島去玩嘅相，當中就當然少不了索爆泳衣照，雖然佢刻意晒出遠鏡全身相，不過都照睇得出佢完美曲線，「豪華臀」依然吸睛。佢又晒出湊埋囡囡一齊行街街嘅親子照，轉頭又換上大露背雪白連身裙，美腿生輝，更見到佢輕唧出事業線，非常養眼，為網友帶嚟視覺盛宴。