網傳Taylor Swift同球星男友拍拖合約到期要「分手」

美國天后Taylor Swift與美式足球球星男友Travis Kelce上年開始拍拖，成為媒體焦點，不過網上近日流傳一份看似是Travis公關公司的合約照片，其中寫到Taylor與Travis的戀情只是做騷，公開分手日期將是本月28日。

Travis公關公司發言人否認文件屬實，將會採取法律行動。知情者指Taylor與Travis感情未變，而他們因為這宗傳聞，特別會在「合約到期日」安排拍拖紀念活動：「Taylor唔介意仲覺得幾好笑，佢通常唔理呢啲事，但呢個真係人工智能整到好似。呢啲唔值得佢或者佢團隊回應。佢同Travis都一笑置之，而男方之所以搵律師，係因為份文件係寫住佢間公關公司。當佢哋睇到自己分手日期9月28日咁接近，佢哋依家計劃緊當日有好特別同好玩嘅紀念活動。」