「中2生」鄭梓浩被爆性無能照偷食　「小四」疑為孫耀威胞妹

《中年好聲音2》11強止步、前歌手鄭梓浩（Brian，原名鄭家駒）近日爆桃色新聞，被前女友Grace挺身指控係渣男，驚爆鄭梓浩一直由Grace供養，但男方竟收埋「佛山小三」及「人妻圈中人小四」，Grace更指鄭梓浩與小四係約炮關係，更曾玩裸聊。今日（6日）消息爆出該「人妻圈中人小四」疑似係孫耀威妹妹孫美賢！

Grace指孫美賢當初進取結識鄭梓浩，二人更玩裸聊，孫美賢又被指租酒店幽會，及後索性出錢租屋包養鄭梓浩，Grace甚至持有孫美賢同鄭梓浩約炮訊息及聯名租約，爆料鄭梓浩曾對自己點評孫美賢：「佢成個阿婆咁，搞我都搞我『唔起』。」Grace又稱孫美賢曾喺同鄭梓浩斬纜後，向男方、甚至Grace追討10萬分手費，甚至搵收數公司、律師去Grace屋企追數，令Grace非常無言。又更力斥孫美賢除搭上鄭梓浩，更與其他「中2生」男選手過從甚密，包括曾多次凌晨時約沈宗賢去蘭桂坊，又同朱博文過從甚密。

而孫美賢去年由瑞士返港參加《中年好聲音2》，育有兩子嘅佢膚色黝黑走健康美，多年嚟都喺瑞士生活，曾透露自己從事金融業，主要做亞太區收購事務。自參加《中年2》後，孫美賢活躍於社交平台，不時同哥哥孫耀威直播唱歌，又間中跟孫耀威登台，而佢分享同「中2生」嘅合照就從未擺出同鄭梓浩嘅單獨合照，疑似避嫌。如今「小四」醜聞爆出，孫美賢即急刪社交平台，依家已經搵唔番兩人嘅大堆頭合照，其全家福都要靠孫耀威夫婦上載過飛瑞士探親嘅合照。

至於當事人鄭梓浩，親自向粉絲群組澄清安撫，重申自己並唔係前女友Grace口中嘅渣男，並列出5點逐項澄清：「有關於片中談及出軌的內容，本以為與前女友Grace分手後可以回到朋友關係，所以還有跟對方聯絡，但作為男性就當自己錯，不希望與她計較，其實一早已經與對方說分手」、「有關於『小三』提供性服務，其實根本就沒有這個人出現，至於回到內地做抖音的場地也是公司的直播間，在場的公司同事可以做證」、「壯陽藥純粹亂講」、「有關於前女友Grace指出錢出力幫助尋回歌手夢想，其實分手的最終原因是因為大仔生病，以及她反對大仔回內地就醫，其實在醫院的期間不斷來電騷擾」、「回到內地發展做直播每周三次，如果前女友Grace真的如所說的給予幾百萬費用，自己還需要這麼勤力做直播嗎？若果真的會內地做直播，也是純粹為了努力賺錢醫治大仔的病。」