范冰冰被爆月租65萬住山頂白加道豪宅　身家豐厚做「新香港人」

內地女星范冰冰2018年因陷入逃稅風波被內地封殺，但憑着高企人氣成功喺海外重新出道嘅佢，廣告代言更係接不停，而近期頻頻喺香港露面嘅佢，更被傳出佢10年前已計劃透過投資移民方式獲香港居民身份，近年終於取得「新香港人」身份，據知其個人資產相當豐厚，更被爆出租住山頂白加道一個面積逾5,000方呎嘅超級豪宅，每月租金高達約65萬港元；據悉，該超級豪宅屬5房4套戶間隔，另設近千呎花園及逾千呎平台，坐擁180度維港嘅風景，認真奢華。

而活躍於社交平台的冰冰，近日就與網友分享製作排毒飲料過程，表示已實行了兩天，效果尚算不錯，席間她談及自己一把乾旱的長髮，透露早於拍攝電影《綠夜》期間不停燙頭髮，由於髮質硬，即使燙了3、4次也卷不上，有意稍後修剪頭髮，以補回頭髮的營養，之後冰冰亦有分享護膚心得，不忘為自己品牌宣傳。