吳彥祖馮德倫激罕同框　朱珠晒「胸器」撼贏劉詩詩

型男吳彥祖、馮德倫、內地女星劉詩詩以及朱珠今日（6日）一起到紐約出席時裝騷，4人更罕有同框合照，其中現年37歲保養得宜的劉詩詩以一身全白Look登場，穿上西裝外套，一頭黑色波浪長髮披肩而下，霸氣十足，詩詩亦在自己的社交平台上晒相並寫道：「來到了美麗的漢普頓，陽光、海灘、海浪。」

而最吸睛的莫過於朱珠，縷空貼身設計露出了她大半個胸部，身材曲線展露無遺，非常有睇頭，一眾網友見到後都紛紛表示鼻血直流。而吳彥祖和馮德倫則分別穿上淺色和深色的西裝，展現紳士風格及成熟男性魅力，帥氣無比，成功電暈一眾女網民，直呼「俊男美女，這個組合超養眼」。

型男吳彥祖（Daniel）及馮德倫（Stephen）近日於紐約出席時裝品牌活動，為紐約時裝周揭開序幕。時裝騷吸引世界巨星雲集，英國男星Jude Law、日劇女王鈴木保奈美、日本混血名模長谷川潤、韓國演員柳俊烈、女團aespa成員Winter、鄭秀晶（Krystal）等均與Stephen及Daniel同場。品牌更邀請得90年代元祖級超模Naomi Campbell與Christy Turlington合體行騷，場面相當熱鬧。

兩位型男相識近30載，原來這趟紐約之旅才是他們首次「合體」睇時裝騷，兼且是Daniel人生首次獲邀出席相關活動，老友聚首氣氛自然愉快。Stephen表示：「其實每個地方都有唔同特色，今次喺The Hamptons呢個地方開騷，我都係第一次嚟呢度，知道呢個地方係好多人嚟渡假、天氣好好、陽光海灘嘅地方。聽講Daniel係第一次睇時裝騷，我都好驚訝，有多個朋友傾偈好開心。」而不少網民則留言：「美少年之戀合體！」回憶番晒嚟。