正式回流返港　郑希怡出新歌唱自己

昨日（6日）是艺人郑希怡（Yumiko）的生日，她趁生日在社交平台宣布推出新歌《Lady King》，并上载了一辑型得来又性感的靓相，相中她身穿大露背装及戴上墨镜，白滑玉背成焦点。

另外，Yumiko近日接受电台访问大谈近况，并为新歌宣传，原名“郑列琼”的Yumiko表示：“首歌系讲我自己‘琼姐’，因为我细个喺慈云山读书，所以有个名叫‘慈云山琼姐’，今次亦都首次挑战唱rap，用咗广东话、国语同上海话摆喺入面，3个语言都代表我成长嘅一部分。”

Yumiko透露疫情期间与老公梁学储（Andy）及女儿“梁浸浸”举家移居上海，至最近正式回流返港，她称：“我哋喺上海住咗3年，因为疫情期间咁啱喺内地拍综艺节目《乘风破浪的姐姐》，之后有其他工作同拍戏，返香港又要隔离，我父母一直住喺上海，佢哋就话不如留喺上海，我同老公倾咗之后，佢就带埋阿女过嚟，一家人一定要一齐。”

梁浸浸今年9岁，近日已正式开学，问到囡囡返港读书是否要重新适应？Yumiko谓：“佢喺上海读书可以拣繁体定简体字，我帮佢拣繁体字，所以返咗香港读书唔使咁辛苦。”她坦言十分享受做妈妈及照顾女儿，同时希望陪伴女儿经历不同阶段，问到女儿是否像其他少女般贪靓？她笑言：“佢好唔锺意扮靓，买裙畀佢都唔著，宁愿著T恤短裤，佢对靓未有概念，不过佢好独立，好有自己谂法，几似我同老公。”

此外，Yumiko自爆当初和老公并没想过结婚，却在2012年接受Andy求婚：“嗰年我哋去咗泰国，我企喺泳池边影相，向后跌咗落后面嘅树林，我喺3楼跌落两嚿大石中间，康复期间仲戴住颈箍，行路又唔方便，喺我最丑样时，佢就同我求婚，当刻我觉得呢个男人唔错，其实我有咩事或伤残佢可以走，但佢选择婚姻，咁既然佢愿意试，我都愿意试。”