袁伟豪计划孖谭俊彦开拍电影　有意做监制适合做打杂

艺人袁伟豪今日以客席评判身份出席一个设计比赛活动。早前他一家三口拍温馨照，赤裸上身骚结实肌肉，笑言当给自己留为纪念，自己一直好努力去健身keep fit，问现在是否已打回原形？他自信说：“打回原形都仲OK嘅！嗰时身形肥啲，因为要食好多嘢。”

提到他与谭俊彦（Shaun）有计划开拍电影，他表示与Shaun识于微时，相识超过20年，“我哋好啱倾，又对音乐有研究，对中佬追梦题材有兴趣，一齐度紧剧本，已有初步构思，需要搵吓投资者先。（之前见许涛有冇提出过？）嗰日唔系咁方便讲，呢啲私人项目，想保留番唔想穿桥，畀人抄。”他觉得中佬危机是人生阶段，每人行的路各有不同，问会否兼任导演？他表示导演不敢当，但有意尝试做监制，因为觉得自己适合打杂做万能员工。