馬國明驚變大師兄　三生三旦雲集珠海拍台慶月電視電影

無綫相隔約20年再度推出電視電影，由三生三旦包括陳展鵬、譚俊彥、馬國明、胡定欣、林夏薇及張曦雯 Kelly主演的《尋夢琴澳》已開鏡，並計劃於台慶月播出外。台前幕後近日於珠海橫琴及澳門進行拍攝，原來馬國明倘未正式入行已拍過電視電影，頓時升呢成「大師兄」。張曦雯則笑指自己今次很幸福，與3位男主角均有關係，豈料譚俊彥即時「劃清界線」：「我同妳只係上司下屬關係，戲入面嘅老婆同真正嘅老婆都聽緊㗎！」

張曦雯笑言與陳展鵬的首次碰頭相當特別，原來二人曾合作拍攝MV﹕「佢係我MV嘅女主角，我擺咗手機度，成日都有睇番㗎。」有人即場更播出MV片段，二人當年相當青澀，更有不少甜蜜溫馨鏡頭。至於林夏薇與胡定欣則是繼十年前出埠拍攝劇集《公公出宮》後，再度合作並有大量對手戲，對於再度合作兼飾演一對好友大感興奮，定欣謂：「尋晚我哋拍咗一場重遇戲，好開心咯。」當被問到妻女今次有否同行時，展鵬搞笑謂：「呢度咁多花旦喺度…梗係有啦，點少得佢哋呀。」