周家怡李靖筠落舖打卡　方中信被集郵索「方中SIR」簽名

藝人方中信、周家怡及李靖筠（Gladys），昨日突襲英皇娛樂期間限定店，引來近百人圍觀，及後更上前索取簽名及要求合照，相當虛冚。3人抵埗後於店內四處游走，拍攝四格相之餘又抽扭蛋及閃卡，玩得興起。抽閃卡期間，家怡「一擊即中」抽到方中信閃卡，興奮得向對方大叫：「哎吔！我抽到你呀！我贏咗啦！」又搞笑地要求方中信簽名，十分搞笑。3人又自掏腰包買T恤支持公司，又買口乖狂讚﹕「件『冤枉Tee』同埋件『ABCDEEG』好靚喎，堅係着得出街，哈哈﹗」

隨後，三人到打卡牆簽名，家怡靈機一觸，又向方中信「埋手」，提議對方「方中SIR」，更立即上網找「SIR」的「中文寫法」，方中信望着照抄，當圍觀粉絲目擊這一幕，即一擁而上要求方中信簽上「方中SIR」，他亦有求必應，逐一簽名，事後方中信笑說﹕「其實好難寫呀，不過見到大家咁開心，徇眾要求，同大家開心吓啦。」