「金牌綠葉」徐榮逆市開火鍋店　漢陽踩場取經

演過不少經典角色的藝人徐榮，被封為圈中「金牌綠葉」，近年，他積極向商界進發，早前更逆市開設火鍋店，一向人緣甚佳的他，獲得不少藝人如馬國明、黃宗澤、林峯、蕭正楠與太太黃翠如等輪住幫襯，非常熱鬧！

港人習慣北上消費，香港飲食業相當難做，但徐榮卻信心十足，尤其之前試業反應好，令他打下強心針，早前，歌手漢陽亦有去幫襯，都大讚火鍋店企理兼食材新鮮，本身都有與友人合資餐廳的漢陽，當然都有請教徐榮幾招，徐榮則笑言：「最緊要食材靚，同埋，我哋間舖有個特點就係可以畀客人唱歌，提供食飯以外嘅娛樂畀客人，最緊食得開心，服務好，我哋亦會有自己嘅表演。」