王心凌生日賀唔停　韓國女神Jessica晒親密合照

台灣「甜心教主」王心凌憑內地真人騷《乘風破浪》翻Hit，人氣高踞不下之餘，圈內同樣有着好人緣嘅佢，日前生日更獲韓國「少女時代」前成員Jessica（鄭秀妍） Po文獻祝福，並曝光多張私下親密合照，2人深厚嘅感情認真惹人羨慕。

日前（5日）迎來42歲生日嘅王心凌，唔止獲一眾親朋好友送祝福，透過真人騷同佢結緣嘅Jessica亦特別發文道：「我Cyndi姐姐的生日，生日快樂！Today is your special day Sending LOTS of love.」2人頭貼頭嘅親密合照，唔止展現出私下可愛嘅少女性格，2人深厚嘅姊妹情亦引嚟唔少網友留言道：「友誼長存！」、「姊姊們都好美！」、「寶貝們居然藏了這麼多合照呢！」、「是微醺的時候拍的吧，萌死我了！」、「兩位美女對我的眼睛特別好！」