張杰開騷亂爆「電話號碼」叫人Call　累路人被瘋狂騷擾

內地一線歌手張杰最近開騷，尋晚佢就喺演唱會上大派福利，當眾自爆電話號碼，仲感性表示：「我的電話是19821220520，Maybe今晚我會打給你哦。」本身大家就以為佢係大搞寵粉企劃，網友都以為打過去有可能會聽到佢事先錄製對粉絲講嘅溫馨感謝說話，點知就被發現其實佢喺台上根本係亂吹電話號碼，最慘係該電話號碼用家就被無辜路人打爆電話，不得不關機避開騷擾來電，睇嚟今次張杰真係玩大咗。

有粉絲仍落力網上幫忙洗白：「那個號碼一看就是假的，前面8個數字19821220是張杰生日，後面加了520，是張杰歌迷就一定知道，不可能是粉絲打的，一定是黑粉亂打！」但不論係咩人打個電話，已經造成嗰位路人困擾，大家都等張杰道歉或對對方作出彌補，好好認錯。