葛綽瑤竟然係車站客務中心常客　Sica郁身郁勢

藝人葛綽瑤（Yoyo）、許寶恆（Alice）及何洛瑤（Sica）近日齊為港鐵車廂拍攝廣告，於片中既跳舞又玩遊戲，發放青春活力，三女更自誇默契十足，順利過關：「我哋其實好鍾意玩呢啲小遊戲，純靠天才波去玩就已經足夠，最大挑戰係個太陽，如果出太多汗熱到個妝都溶，化妝同事就慘！」

Yoyo透露求學時靠港鐵代步，不時要向站內職員「求救」：「因為當時身體唔太好，撞啱月事不適都要向職員求助，慢慢成為各車站客務中心常客！真係唔好意思，但真係多謝佢哋幫忙！」Sica則笑指拍攝時勾起過往於車廂中有趣經歷：「細個嗰時會喺車廂練舞，一見到柱同玻璃反光就郁身郁勢喺到跳，完全冇難度。」Yoyo即化身安全大使，着Sica不要教壞小朋友。眾人除了跳舞默契度十足，Alice直言於等待「放飯」時同樣合拍：「一齊餓到打鼓搞到收音師都聽到。」