林峯又拖又揽壮胆　畲诗曼唱歌惊到震想临阵缩沙

视后畲诗曼（阿畲）日前荣获亚洲视后奖项，前晚即到澳门为“兄弟”林峯的演唱会担任嘉宾，平时大家见“Man姐”定过枱油，不过甚少于演唱会中唱歌的阿畲今次真的紧张，上台前于台底“腾”到脚震，还一度想“缩沙”，表情搞笑，被网民大赞十分可爱。

今次林峯演唱会首场请来好兄弟吴卓羲做嘉宾，第2场则请来《使徒行者》女朋友“钉姐”来助阵演出，2人先手拖手唱出林峯的歌曲《爱在记忆中找你》，之后阿畲更独唱了《唯独你是不可取替》，不过阿畲出场前，于台底表现紧张，不时唞大气，其经理人PO片于社交网，临上台前一刻，她更紧张得想调头走，更谓：“都系返番去演戏算嘞！”虽然起初阿畲可谓震住唱，但唱了一会便渐入状态，唱时林峯又拖又揽，帮阿畲“壮胆”，之后林峯谓：“阿畲今次真系好认真，我个几月前邀请佢，佢就准备到依家，可能阵间会跳番part舞。”阿畲即谓：“多谢你咁博呀！”林峯即谓：“阿畲唱歌好好听，我想之后真系有机会同佢有首合唱歌。”

阿畲与林峯合唱完后即时饮水，又谓：“哗！真系未试过惊到咁震㗎！”跟住连“唉”了几声！台上观众更报以喝采声支持，阿畲又谓：“点解今日我会企喺度呢！突然间有一日佢话不如你做我演唱会嘉宾啦！我话：‘吓！唔系嘛！我唔得㗎喎！’佢话：‘得㗎！唱一只啫嘛！’跟住我都hea咗佢啦！有日我哋食饭，冇谂过佢会出现，突然间有人话今日阿峯出嚟，我话：‘死嘞！佢实会YO我，今次避唔到啦！’跟住佢一嚟到话：‘喂！点呀！’，我话‘咩呀？’，佢话：‘表演嘉宾呀！’我话：‘OK啦！OK啦！《爱在记忆中找你》嘛！’佢话：‘唔系呀！想你唱多一只呀！’真系唔掂喎！要几耐呀！佢话愈耐愈好，冇办法啦！所以今日我就喺度嘞！我系好惊嘅，但经过我啲姊妹同兄弟鼓励吓！嚟啦！”而好姊妹梁靖琪、周家蔚及姚乐怡都于台下为她打气。

阿畲接受东网独家访问，她笑言：“我真系超级超级紧张啰！真系好惊呀！但系因为林峯，系兄弟一定要撑场啦！”果然系义气子女。说到她于台上不时整理耳机，她谓：“因为个Ear Mon戴得唔好，我冇经验嘛！所以唔系好准确听到啲音，系有少少失误，令到我好紧张，因为solo唱歌要听得好清楚好清楚，但自己又惊听得唔清楚，所以好紧张啰！”