林奕匡半裸抱B意外露点　老婆大赞神队友

创作歌手林奕匡（Phil）的无綫主持太太李霭玑（Rikko）已出院回家，开始日以继夜照顾初生BB的新手爸妈生涯。Rikko日前大晒老公凑仔日常，见半裸的Phil抱住囝囝时，幸福之情开心过攞男歌手奖，而令老公首次半裸照曝光的Rikko接受访问时笑说：“哈哈，系呀，系佢露点啊，唔系我呀。”自抽之前被指喂人奶时的不慎露点疑云。

她说囝囝的头发又多又黑，所以改了乳名叫“黑芝麻仔”，她说：“佢一出世啲头发就特别黑特别浓密！唔知关唔关我生前之前，一直都食黑芝麻及黑豆粉，冲热水或加落食物里面做养生，不过我觉得应该系遗传多啲，佢似足爸爸，同埋老爷啲头发都系非常之浓密同黑色。”至于中文名就尚未改。

问到照顾初生BB是否很辛苦？她就多谢老公帮手：“夜晚嗰转通常都系Phil负责喂奶，同埋每日都帮BB冲凉，佢都不知几锺意同享受，我睇到都好感动。”她又说虽然生BB及做新手爸妈不容易，但有时望住BB，她和老公都莫名奇妙地流泪：“就系觉得好难以置信，好神奇，我俩能够创造出一个咁美丽嘅生命，同埋好感恩对方嘅爱及付出。”

Rikko分娩时曾发烧要急开刀，但现时可平安一家三口回家，她最感谢是照顾她和BB的医护人员，她说：“衷心感谢医生同埋所有超级专业医护人员嘅帮忙及爱锡，同埋教我照顾新生BB仲有喂人奶嘅指导，佢哋好似传授咗好多本秘笈畀我一样，依家觉得我练到一身好功夫，返到屋企都好有信心照顾囝囝。”