蔡卓妍貪靚惹禍　自行拆Gel甲出意外狂標血

藝人蔡卓妍（阿Sa）忙於與好姊妹鍾欣潼（阿嬌）舉行《Twins 22周年巡迴演唱會》，日前（7日）她們在佛山舉行第23場巡唱，全場爆滿座無虛席，現場氣氛相當熱烈，high爆全場。

蔡卓妍在舞台上大晒珍珠色的gel甲，十分新潮。惟昨日（9日）她在社交平台分享了一張手指受傷的相片，見手指甲已經花晒，指甲邊仍殘留着一些血跡，她把受傷的指甲頂部打上了馬賽克，表示：「十指痛歸心，因為太核凸所以要遮住，沉重嘅教訓。點解我要咁衝動，以後喺眼瞓同攰嘅情況下，真係唔可以做啲咁需要技術嘅嘢…諗住畀啲指甲休息下，自己拆甲。點知拆到無咗四分一甲，仲整到花晒流晒血，痛到喊，醒到呢」不少粉絲見狀大叫心痛。