冼靖峰讚醒目接Gag快　關楓馨叫薛家燕做「𡃁」

歌手冼靖峰（Archie）與藝人關楓馨（Fabi）近日接受薛家燕主持的電台節目訪問，最近3人一齊主持電視煮食競賽節目《家常便飯爭霸戰》，薛家燕稱跟兩位年輕人好有默契，大爆初時Archie好有隔膜，因他擔心薛家燕是否開得起玩笑，薛家燕為令對方放下戒心，刻意找對方搞笑：「佢好受落，又快接到位，好醒目！永遠講嘢唔會講晒，會留番啲畀前輩講，好尊重前輩。」而Archie最近練到手瓜起𦟌，問到飲食餐單，Archie大方回答：「平時只係食白烚雞胸肉、白烚西蘭花、白烚紅籮筐，再攪爛變成汁。」薛家燕直言佩服對方的堅持及毅力：「我見佢日日食雞胸肉蔬菜汁，問佢唔悶咩？跟著佢答『只係飲10年啫！』。」

另外，薛家燕對關楓馨別名叫「Fabi」感到好奇，Fabi即解釋：「爸爸媽媽改我英文名叫Fabienne，比較難讀，『Fabi』係簡稱。」薛家燕即笑言：「我英文名叫『Nancy』，因為驚大家覺得難讀，簡稱叫我做『𡃁 (Nan)』 ！」笑到眾人捧腹！