鮮娛糧丨吳彥祖孖馮德倫舒淇世紀同框　時隔27年重現《美少年之戀》

1997年因電影《美少年之戀》而傳出緋聞嘅馮德倫及舒淇，情路兜兜轉轉嘅佢哋，雖然次次都剩係認對方為「好朋友」，但最終2人亦喺2016年宣布修成正果。另外，喺美國出生長大嘅型男吳彥祖，同樣因電影《美少年之戀》打開知名度之餘，更可以話係見證咗夫妻2人嘅情史，而日前吳彥祖亦喺社交網晒出1張當年電影宣傳照，以及一張於今年拍攝嘅合照，只見3人時隔27年都冇乜太大變化嘅同時，舒淇身上更係絲毫唔見有歲月嘅痕迹，逆齡生長嘅模樣更係比當年更具韻味。