Edan認追林明禎2日跌粉2千　陳柏宇指九成已得米

近日，男團MIRROR成員呂爵安（Edan）同馬來西亞女神林明禎嘅緋聞鬧得全城沸騰，日前Edan化身護花使者出Po護航嘅舉動，更係瞬間掀起全民熱議及脫粉潮，短短2日就已經跌粉2千，其中已為人夫兼為人父嘅陳柏宇亦忍唔住Po文分享道：「以我多年做人的經驗，他能這樣回覆，就足以證明他就算沒追到，也已經有九成的把握。所恭喜之外都冇乜其他嘢可以講。恭喜恭喜。」引嚟唔少網友留言表示中肯道：「講得了解中其實就係了解咗。」

另外，早前Edan和林明禎被拍到在歐洲撐檯腳食飯後，MIRROR隊友Stanley（大表哥）出席活動時，表示唔想羨慕Edan，更指99.9%一定不是事實：「唔相信，我唔願意相信。（你唔相信佢追到林明禎？）我唔相信，你唔好逼我相信，我唔信。（人哋話畀你聽係咁點？）係，我Ｘ。」雖未知Stanley會Ｘ什麼，但事情發展到Edan認愛林明禎並表示正展開追求，網民群起叫大表哥找數。

另外，林明禎將於明天（12日）現身中環出席品牌活動，是緋聞爆出後首度公開露面。