鮮娛糧丨林峯開騷陳懿德成大贏家　「生擒」雙龍好幸福

無綫藝人陳懿德由小學六年班開始已經喜歡林峯，至今有15年，雖然偶像已經結婚更有個可愛女兒，但以粉絲角度她還會在朋友前笑稱自己是「林太」。 陳懿德因工作關係不時有機會見偶像，一圓追星夢，近日林峯在澳門開騷，她當然有「朝聖」和「集郵」，更一次過滿足兩個願望「生擒」雙龍，除了與偶像影相外，連他的好兄弟，當年曾合演劇集《大唐雙龍傳》的吳卓羲也「捕獵」，她說：「喺後台影相，佢話留意到我就嚟要做港姐，我好surprised，我何能竟然我偶像留意到，我會盡力做好㗎喇﹗」有網民表示：「以一個TVB劇迷嚟講，加上Bosco（黃宗澤）就完美。」

今次是陳懿德入行之後第一次睇林峯演唱會，心情特別激動，她表示：「一路睇、一路感受到內心滿滿的感動，因為入行之後更加明白呢條路唔容易，更加佩服欣賞佢，見到佢由以前拍劇、唱歌，再到依家拍電影咁成功，愈嚟愈多人鍾意欣賞佢，真係好戥佢開心，我諗個種感覺真係要你有好鍾意嘅星先會明白。亦到好想多謝佢陪住細個嘅我，同依家嘅我進步成長，無論以前定依家，我都好驕傲我嘅偶像係林峯。」