余文樂潛水驚恐症發作　嘆人生苦短及時行樂

現居台灣嘅型男余文樂，自爆有驚恐症嘅佢，一度消失銀幕6年，經過一段時間休養嘅佢，近年亦不時透過社交網同粉絲分享生活點滴，日前佢更晒出一輯潛水照道：「從得了恐慌症後，第一次回去再潛，本來希望再考個advance。但結果今天正式下水後，到了十幾米左右就開始不舒服，嘗試克服自己好幾次，最後還是要上水…只能說無奈，但身體還是最重要，不能勉強。所以人生太短，想做想試的一定要把握時間。再見了海洋，我會想你的！！」引嚟唔少網友留言支持及鼓勵。

事實上，2021年余文樂曾透過社交網透露自己因工作壓力太大，導致患上驚恐症，發作時手腳發麻無法呼吸，雖然經過治療後狀況一度好轉，無奈又再復發，經過疫情時期嘅長時間休養，狀況再度好轉嘅佢亦決定減少公開露面，轉戰幕後工作嘅同時兼顧潮牌生意。