薛凯琪为巡唱歌单头痛　拟邀方大同重踏舞台

将于明年展开巡唱的歌手薛凯琪（Fiona），近日正为歌单而烦恼，坦言一首歌也不能少，望全数保留。对于消失2年的好友方大同近日蒲头，她直言望对方早日开骚，届时定必捧场，亦有意邀对方任其巡唱嘉宾。

近年长驻内地发展的薛凯琪，日前为内地歌手好友张碧晨任巡唱嘉宾，性感登场大骚长腿，更疑似真空上阵，向台下歌迷送飞吻，获一众网民赞漂亮。

Fiona接受东网访问时，透露今次是第二次任张碧晨演唱会嘉宾，加上当晚是好友生日场，顺度为对方庆祝，问到二人友情由来，Fiona表示：“之前拍综艺节目，大家成日见面就变成好朋友，所以成件事好顺理成章，一做就做咗两次嘉宾。第二次碧晨超可爱，拍综艺时半夜我去佢间房倾偈，佢就拎咗第二次巡回嘅表格出嚟，叫我自己剔一日，就系咁就同佢合唱咗一首歌。”提到一身性感打扮，她自嘲身材麻麻，即使穿得性感也不会给人过分暴露的感觉。

期待好友新作

谈到明年举行巡唱，Fiona表示正努力筹备，日内将与团队举行首个会议：“首要嘅事系决定好歌单，真系拣到我都晕低！入行以来真系好多首歌，首首都想唱，唔知可以筛走边啲，巴不得全部唱晒。”提到好友方大同因病消失乐坛两年，日前蒲头透露正在康复中，并乘势推出新专辑，Fiona坦言戥对方开心：“佢以前系一个好少讲嘢嘅人，但今次会同大家分享佢嘅状况，我觉得好正面。其实一个真系好锺意创作嘅人，音乐系佢生命，无论咩状态都好，依然喺度创作紧。我同大家一样，呢件事入面我系一个Fans，期待佢嘅新作品，希望佢快啲举行演唱会，到时即使我喺边个城市，都即刻飞去捧场，当然我都希望我嘅巡唱可以邀请到佢做嘉宾啦！”