企業強人︱張曦雯出動私伙衫做女強人　譚俊彥爆關係好亂

由兩大視帝陳豪和譚俊彥，以及龔嘉欣、張曦雯聯手演出的無綫新劇《企業強人》，陣容強大，陳豪和譚俊彥於戲中甚有CP感，譚俊彥笑言：「由第一日開始，我哋就公私不分，大家關係好亂。」現實中陳豪、譚俊彥和龔嘉欣都有經營生意，故演此劇更為傳神，嘉欣就謙稱自己餐廳生意的規模較少，她說：「拍攝時冇諗太多，劇中我做速遞小妹，去深圳實景拍攝好新鮮，見到真正的物流行業原來好忙碌，同埋呢部劇我係由小妹變成CEO，成件事好勵志，好正面正向。」

張曦雯劇中飾演女強人，衣服打扮幾乎全部用私伙衫，被譚俊彥取笑將全屋衣服搬來深圳，她笑說：「我冇數攞咗幾多衫出嚟，但走時拎咗3個紅白藍膠袋嘅衫走。」