陳凱詠遭貼大字報「被包養」　驚到面青尋神秘人

男團MIRROR成員Edan（呂爵安）最近公開向女神林明禎表白，愛得高調，估唔到同佢一齊合作新歌嘅歌手陳凱詠（Jace），同樣獲高調示愛，近日中環及九龍塘等公眾地方就出現「陳凱詠我養你」大橫幅，橫幅底下更有句子：「此橫額只供拍照使用，絕非路旁展示宣傳品」細字。「神秘人」嘅驚人宣言被網友大讚有創意、夠坦白，仲有網友表示十分欣賞。有網友拍下短片後即tag埋陳凱詠，並問道：「係咪要退休了？」陳凱詠就留下一個「😱」emoji，明顯驚到面青！雖然未知對方口中嘅「陳凱詠」係撞名定真係歌手陳凱詠，不過網友就好想知道神秘人真正身分。

Jase透過經理人揭開「神秘人」面紗，她說：「其實係我啲粉絲整嘅，不過我唔使人養，自己可以養自己，但都多謝大家嘅愛戴，我嘅新歌都籌備得七七八八就快可以推出，希望大家多多支持啦。」