梁麗翹飛美國出席細佬婚禮　因一事好大感觸...

藝人梁麗翹（Nicloe）早前展開為期一個月的美國之旅，她透露此行主要為參與弟弟的婚禮：「佢哋疫情前已經簽咗字，但因為疫情所以婚禮延期到依家。見到細佬結婚好感動，我當年結婚，我爸爸已經唔喺度，通常新娘子會挽住爸爸手行入婚禮會場，當時係媽咪拖住我入去，今次細佬叫我同媽咪同佢一齊行入去，場面好感動同溫馨，我畀咗封少少嘅利是細佬，諗番起以前同細佬喺美國生活嘅日子。」

Nicloe自言已有4年多沒有回美國，今次難得回去，跟朋友敍舊及與母親、弟弟享天倫：「我先後去咗洛杉磯、三藩市同聖地牙哥，好開心見番好多朋友，好難得，又同細佬、媽咪一齊去旅行，搵番以前感覺，今次都係品酒之旅，因為我今年上堂學品酒，去咗唔同酒莊試酒。」