港姐︱兩大咪神齊齊讓賽　高海寧郭珮文封胸避「峰」頭

無綫《2024香港小姐競選》今日（15日）舉行，一眾花旦小花齊集紅地氈，其中兩大咪神高海寧（高Ling）與「大騎樓」郭珮文巧合地齊齊封胸，免搶走佳麗「峰」頭！高Ling以粉色晚裝裙上陣，領口位置只露出少許事業線頭，幾乎包實巨胸露出鎖骨，但勝在貼身剪裁盡騷凹凸有致的身材曲線，依然有睇頭。至於素有「高海寧2.0」之稱的郭珮文亦相當有默契選擇讓賽，以紅色晚裝裙包到上頸，惟導彈級上圍仍然Big爆，若隱若現更加誘惑。

身材驕人的高海寧以粉紅色晚裝密實上陣，略為失色，講到打扮被其他師妹比下去，她無奈說：「點解全世界都係咁講，我已經厭倦咗呢個鬥爭，總之開開心心靚靚出席就可以。（依家唔使靠身材，要靠實力？）唔係，因為師妹後生，佢哋有佢哋風格，我有我風格，依家覺得用一日時間去打扮去攰，着衫從簡就得。呢條裙好靚，我平時好少着粉紅色。（特登揀？）唔係，只係屋企得呢條裙未着過見人，我連搵贊助借裙都懶，想集中自己工作上，而且今晚主角係啲佳麗。」她稱看好之前跟她出外景的陳甜甜、梁嘉莹及楊梓瑤，對她們有信心。