陳自瑤阻人瞓覺　遭星二代「兜錘窩面」

藝人陳自瑤上月底生日，尋日（15日）佢嘅好姊妹連詩雅同黃翠如，為佢補祝生日，而剛生完B嘅連詩雅仲帶埋B女陳星頤（Camila）嚟同佢賀壽，陳自瑤留言：「今年多了一位小美人和的慶祝，我們仨變成我們四了。」

相中睇到Camila肥肥白白，仲有個勾鼻，個樣似足爸爸陳家樂，佢着住動漫《鬼滅之刃》中的禰豆子BB衫，可愛到暈，而陳自瑤見到Camila亦母愛大發，不停𢭃Camila玩，搞到本身好眼瞓不停打呵欠嘅Camila勁唔耐煩，最後送陳自瑤「兜錘窩面」做生日禮物，相當搞笑！陳自瑤都留言話：「被星星打了1拳。」網民紛紛大讚Camila好得意、「好可愛，星星都會看鏡頭」、「BB潛台詞：兩位Auntie影夠未，我已經好攰啦」。