方力申江門開唱　林夏薇驚喜助陣重現《逆天奇案2》經典

視后林夏薇（薇薇）之前與視帝陳展鵬、馬國明、胡定欣等齊齊到澳門為無綫電視電影《尋夢琴澳》拍攝，新片剛剛煞科，薇薇於社交平台晒出劇照，更配文：「又一部完滿煞科！難得的組合。」照片上看，薇薇與展鵬及馬明都似乎有感情線，相片中分別有兩男摸着她手的場口，感覺浪漫。

昨日，是方力申巡唱江門站的舉行日子，薇薇更會成為此場的嘉賓，一早抵達當地的她，已積極進行綵排，她前日於社交平台PO出演唱會海報並留言：「明天見！」粉絲相當期待。

薇薇向東網分享首次做演唱會嘉賓心情：「好開心小方邀請我做演唱會嘉賓，今次都係我第一次做演唱會嘉賓，本身擔心撞咗電視電影啲期，因為之前拍攝時間遇着打風，驚拍攝時間會延長，好彩都順利完成拍攝可以嚟到做嘉賓。今次同小方合唱《好心好報》，同埋唱自己的歌《很想討厭你》。多謝小方邀請一齊演唱會過中秋，等《逆天奇案2》阿Wing同唐教授有機會再合體，當唱《好心好報》呢首歌嘅時候，背景畫面出現唐教授同阿Wing嘅對話，即時回憶番晒黎，可以剪一個《逆天奇案2》阿wing同唐教授嘅《好心好報》MV版。」網上更已有粉絲剪出《好心好報》阿Wing同唐教授mv版，非常有心。