朱敏瀚奪王嘉慧螢幕初吻　大玩超時空之戀

藝人朱敏瀚和王嘉慧拍攝的中秋節宣傳短片近日播出，兩人在片中飾演情侶放閃無極限，包括在中環街上拖手狂奔、床上甜蜜依偎、浪漫餵食及背後抱等，甜度超標，兩人深情激吻後畫風突然一轉，兩人分別化身后羿和嫦娥，大玩穿越上演超時空之戀。除了古裝造型搶眼外，王嘉慧以小吊帶背心加熱褲的家居裝，亦非常養眼吸睛。

王嘉慧受訪時笑言為了今次宣傳片獻出多個第一次，她害羞說：「今次係我嘅螢幕初吻，事前我自己都好緊張，拍緊嘅時候都唔係好敢呼吸，有少少閉氣嘅感覺，佢好好人叫我放鬆啲，好彩最後都好順利咁完成拍攝。」此外，亦是她首次嘗試古裝扮相：「入行以嚟都好想試古裝，今次終於試到，仲要係扮嫦娥！呢個造型除咗好有仙氣之外，仲係好有型，我自己都好鍾意！今次都係我第一次拍相關類型嘅片段，導演事前都叫我睇吓相關短片，等我拍攝可以容易啲代入角色，聽到呢個故事時，我自己都覺得好淒美，覺得成個故事好吸引人。」她透露拍攝有很多難忘事，特別是在晚上於無人的中環街頭狂奔，感覺很新奇有趣。