楊埕偕佘詩曼中秋飯敍　自爆眼甘甘望實古天樂　

藝人楊埕（Sabrina）近日跟古天樂、佘詩曼及姚子羚等飯敍慶中秋佳節，Sabrina稱跟佘詩曼及子羚向來是「團年鐵腳」，每逢大時大節必定相約食飯，今年難得有古天樂參與，Sabrina表示：「今次係我第一次見到古生，佢坐喺我對面，我好似小迷會咁望實佢，因為我酒量好差，所以我同古生講『你飲乜我都飲』，朋友就寸我『佢想飲你（古生）嗰杯』，我問佢『可以嗎？』，不過大家都只係講笑。」

楊埕笑言不少人指其弟弟有點似少年古天樂，當日終於可以近距離對比一下。她續指知道古天樂有低調地捐錢起學校，自己亦有參與慈善機構工作，現場有向對方請教，非常欣賞這個娛樂圈大哥哥。