苑瓊丹升呢做科學家　努力研發無菌腐乳

一向諗頭多多的苑瓊丹（苑仔），繼早前獲封公主名銜後，近日再又多一個新「身份」，就是榮升「香港女科學家協會」的副會長，日前她出席揭幕典禮時，自言一直有研究新科技，更說層次已「升級」：「由細到大都冇諗過自己同科學家沾上關係，由『師傅』帶我接觸科學，發現呢啲嘢唔係高高在上，亦唔係遙不可及嘅！接觸科學之後，令自己大開眼界，想透過科學健康咁『活多幾年』。 」

苑仔榮升副會長，好友林子聰場慶賀，還滿場飛四出送禮猶如「男主人」，苑仔再說：「近日香港嘅腐乳令人好失望，香港人好似冇咗手信，依家我哋努力不懈，研發無菌腐乳。」她覺得擅用科學可改善生活，正如她靠科技已解決脫髮問題。林子聰亦附和支持，笑指二人「傾傾吓」就落實研究：「其實所有科學都係由發夢開始，只有創新先係科技，同我哋拍戲都係一樣。」

剛剛度過生日及結婚周年紀念的苑仔，因工作太忙而沒有特別慶祝，直言覺得家和萬事興及身體健康最重要，又指不經不覺已結婚20年，亦可證明她婚姻生活美滿。