鞠婧禕化身嫦娥騷Quali　唯美舞姿猶如仙女下凡

有「四千年一遇美女」之稱嘅內地小花鞠婧禕，憑精緻五官及出眾嘅氣質圈粉無數，而向來樂於嘗試新造型嘅佢，今年更喺中秋佳節Cos仙氣十足嘅嫦娥氹粉絲，只見頭戴簪花、化上古典妝容，以及穿上華麗服裝嘅佢，整體望落美不勝收嘅同時，隨着音樂節奏舞動嘅身姿，更係舉手投足間都散發着女神魅力，加上迷人電眼，認真冧到暈。隨着川段曝光，引嚟唔少網友留言道：「真的太喜歡鞠婧禕這個舞蹈了，特別有魅力！」、「到底是誰想到讓小鞠扮演嫦娥的，出來挨誇！鞠婧禕簡直就是掌管古風舞的神！」、「顏值與實力並存呀，太美了吧！」、「鞠婧禕美死我了！！這個影片反覆看了好幾遍。」