王浩信瘦身搶內地流量密碼　被網紅胸壓硬軚唔敢郁

視帝王浩信離巢無綫後主攻內地市場，更了解內地流量密碼，知道短片社交網嘅曝光率不能少，近日就有內地女網紅請王浩信一齊拍片，叫網民猜猜王浩信真實身高，二人大擺Pose，女網紅又熱情身材又好，更疑似多次胸壓到王浩信，王浩信亦非常紳士，雙手一直垂下，雖然佢畀對方搞到「硬晒軚」，不過就完美避開鹹豬手誤會。近年積極操肌嘅佢，唔知係咪被濾鏡影響，身形忽然離奇暴瘦，瘦咗至少一個碼，不過都有網民非常關心其健康狀況。