王祖賢秘密返台灣慶中秋　「第一美女」不敵時間洗禮

經典女神王祖賢移居加拿大多年，絕迹於華語影壇，大家想見到佢都係靠網友偶遇，適逢中秋佳節，女神都決定同家人團圓，有網民尋日（17日）就上載喺台灣偶遇女神嘅相，表示自己係喺台中偶遇佢，見戴上太陽眼鏡嘅王祖賢，身穿黑色背心連身裙友斜孭袋，現身一間素食餐廳，佢仲雙手合十大方地同餐廳員工及出家人合照。雖然難得一見，不過網民亦發現佢臉上出現古怪坑紋，法令紋嚴重，即使已經遮咗半塊面，都睇得出不敵時間洗禮，優雅地老去。